Luns 11 e xoves 14 : Actos conmemorativos da II República

A Plataforma pola República.

Constituída polas asociacións Memoria Histórica Democrática e Fuco Buxán e polos partidos políticos Anova, Decide En Común, Espazo Ecosocialista, Esquerda Unida, Psdeg-Psoe e Terra Galega.

Organiza os seguintes Actos en torno ao 14 de abril, 85º aniversario da proclamación da II República :

- Luns 11 de abril, ás 19 horas, no Ateneo Ferrolán, proxección de “O segredo da Frouxeira”.

Documental dirixido por Xosé Abad que narra os efectos da represión sobre catro familias ferrolás a de Alejandro Porto Leis, ultimo alcalde republicano de Serantes “paseado” xunto a tres veciños en 1938. Unha familia dividida pola súa ideoloxía, catro familias rotas por un crimen político e setenta anos de medo (www.osegredodafrouxeira.com)

- Xoves 14 de abril, ás 19 horas, no Ateneo Ferrolán, proxección de “Crónicas Republicanas”.

Peza audiovisual que mezcla teatro, radio e imaxe, nun percorrido por sucesos socio-políticos ferroláns dende a II República ate hoxe. Dirixida por Miguel Castro sobre guión del mesmo e de José Torregrosa.
- Encontro, a continuación, onde Carlos Etchevarría, cofundador e ExPresidente do Ateneo Republicano de Galicia, falará en nome da Plataforma pola República.

A pola Terceira!!

unha Terceira República en Paz, Xustiza e Progreso.

​

--------------------------------------------------

Nota de prensa da Plataforma pola República

Conmemoración da II República. A pola terceira!

Unha república para o século XXI: Un reto inaprazable.

Está aínda por escribir, e por levar aos libros de Historia e os libros de texto das escolas, o que supuxo aquel 14 de abril de 1931. Foi un salto de xigante desde a condición de súbditos dunha casa de Borbón apolillada na súa propia inconveniencia histórica,  para converterse en cidadáns libres e iguais, camiñando ao futuro, emanada a II República do pobo para o pobo.

Tras o sacrificio dos seus mellores homes e mulleres na súa defensa, tras o reinado de terror que supuxo a eterna ditadura franquista,  acaso non quedou relegada, á hora de elaborar a Constitución de 1978, a lexítima aspiración do restablecemento da República? Acaso non entrou dita cuestión nunha especie de letargo (nunca acaba de chegar o momento de facer xustiza a un Pobo ao que se lle arrebatou pola forza a súa forma de goberno)?

Así, asistimos ao final dun monarca acabado e a chegada á xefatura do Estado do seu fillo sen que fora elixido pola cidadanía, sen que aflorase a necesidade de terminar cun anacronismo, onde incluso vulnerouse a Constitución, discriminando por cuestión de sexo.

Debemos atrevernos hoxe, porque mañá volvería a ser tarde, un paso ao fronte para recordar a todas e todos unha débeda co noso pasado máis digno e que mellor pode asegurar o noso futuro.

A chegada do 14 de abril, volve a reclamar coherencia e compromiso: De que sirve unha teoría sen praxes...?

Merecemos, merecen as vindeiras xeracións de cidadáns unha Terceira República en Paz, Xustiza e Progreso.

Depende de nós alcanzar a maioría de idade coma donos do noso propio destino.

A pola Terceira!!

Organiza Plataforma pola República. Constituída polas asociacións Memoria Histórica Democrática e Fuco Buxán e polos partidos políticos Anova, Decide En Común, Espazo Ecosocialista, Esquerda Unida, Psdeg-Psoe e Terra Galega.

Actos a realizar pola Plataforma pola República neste 2016:

-        Luns 11 de abril, ás 19 horas, no Ateneo Ferrolán, proxección de “O segredo da Frouxeira”.

-        Xoves 14 de abril, ás 19 horas, no Ateneo Ferrolán, proxección de “Crónicas Republicanas”.

A continuación, teremos un encontro onde Carlos Etchevarría, o cal tivo un papel fundamental na creación do Ateneo Republicano de Galicia e do cal foi presidente,  falará en nome da Plataforma pola República.